നിലാവിലൊരു സാന്ത്വനമായി
തഴുകിയെത്തുന്ന
ഇളം കാറ്റിനോട് ചൊല്ലാന്
പകലിന്റെ നോവും
നഷ്ടവും
ക്ഷീണവും ....
ചാഞ്ഞു നിദ്രയിലമരാൻ നേരം
മനസ്സില് , നാളെയുടെ
സ്വപ്നങ്ങള് !
പ്രതീക്ഷകള് !
മദ്ധ്യാഹ്നച്ചൂടിൽ
വരണ്ടുണങ്ങിയ
ശരീരം ദാഹം മറന്നു മയങ്ങവേ
മനസ്സിലെ മോഹങ്ങള് ,
ഉറവപൊട്ടിയ ആശ്വാസത്തിന്റെ
അരുവി പോലെ
സ്വപ്നങ്ങളായി വന്നു
ദാഹത്തിലൂടെ ഒഴുകി
വീണ്ടും ഉണര്ത്തീടുമ്പോള്
സംശയങ്ങള് മാത്രം
ബാക്കിയാകുന്നു !!
സത്യമോ ! മിഥ്യയോ !
ഒടുവില് ,
സംശയങ്ങളോടെ ഉദിയ്ക്കുന്ന ദിനം,
പ്രതീക്ഷകളുടെ
പൂ വിടർന്നു നില്ക്കുന്നു
മനസിന്റെ മുറ്റത്തു.
വൈകിട്ട് കൊഴിയാൻ .
No comments:
Post a Comment