Friday, January 3, 2014

ദൂരേയ്ക്ക് പോയവള്‍ !

വിദൂരതയിലേയ്ക്കു
നീ നടന്നകലുമ്പോൾ  ,
അറിയാതെയെ-
ന്നുള്ളം  തുടിച്ചിരുന്നു .

ദിനരാത്രങ്ങളിൽ
നീയെന്നില്‍
നിറഞ്ഞ കാലങ്ങളിൽ
ഞാനറിഞ്ഞില്ല
ഒരു നാള്‍ അകലാന്‍
അതേ കാലത്തിന്റെ
വിധികല്പനയുണ്ടാകുമെന്നു .

സ്നേഹിക്കുന്നതിലേറെ
മോഹിച്ചിരുന്ന നിന്റെ
മനസിന്റെ നിര്‍വൃതിയില്‍
പറയാന്‍ ബാക്കി വച്ചതെല്ലാം
പാഴ്വാക്കായി മാറി .

പറയാതെ പോയ നിമിഷങ്ങൾ
വേദനയുടെ വേരുകളായി
മനസിനെ വലംചുറ്റി
ചങ്കിലെ രക്തവര്‍ണ്ണ തുള്ളികള്‍
കണ്ണീരായി പെയ്തിറങ്ങി.

ഇനിയുമാ  സ്വരത്തിനായ് ,
നിശ്വസത്തിനായ്
കാതോര്‍ക്കാന്‍ ,
നിന്റെ ശേഷിയ്ക്കുന്ന
ജീവിതവഴികളിൽ
ഞാനില്ലെന്ന സത്യം
എപ്പോഴും മറന്നു പോകുന്നു ...

1 comment:

  1. കവിത വായിച്ചു
    ആശംസകള്‍

    ReplyDelete